2024-yilda O‘zbekistonda buxgalteriya hisobi va audit tizimlarini modernizatsiya qilish yo‘lida muhim qadamlar qo‘yildi. Islohotlar normativ-huquqiy baza hamda raqamli infratuzilmani qamrab olib, moliyaviy hisobotlarning shaffofligi va sifatini oshirishga xizmat qildi.

2024-yilda amalga oshirilgan ishlar

• Milliy standartlar yangilandi: xalqaro standartlarga yaqinlashtirilgan 15 ta yangi NSBU va 4 ta buxgalteriya hisobi bo‘yicha nizomlar qabul qilindi va joriy etildi.
• Raqamlashtirish: subsidiya boshqaruvi uchun subsidiya.uz platformasi va auditorlik xulosalarini onlayn topshirish uchun Audit Platform ishga tushirildi.
• Audit sohasi qo‘llab-quvvatlandi: davlat sektori uchun auditorlik xarajatlarini qoplash tizimi joriy qilindi, auditorlar tayyorlovchi xususiy markazlar akkreditatsiyadan o‘tkazildi.

2025-yil uchun rejalar

• XBRL tizimini joriy etish: moliyaviy hisobotlarni XBRL formatida topshirish tizimi ishga tushiriladi, bu esa ma’lumotlarning shaffofligini oshiradi.
• Barqaror hisobotga e’tibor: ESG tamoyillari (ekologiya, ijtimoiy mas’uliyat va boshqaruv) hisobot amaliyotiga kiritilishi rejalashtirilgan.
• Malaka oshirish: auditorlarni Xalqaro moliyaviy hisobot standartlari (MSFO) va Xalqaro audit standartlari (MSA) bo‘yicha o‘qitish davom ettiriladi.

Manba: O‘zbekiston Respublikasi Iqtisodiyot va moliya vazirligi